Luxembourg Times хабарлағандай, бұл шара кедейлікпен күресу және жол жүктемесін азайту мақсатында қолға алынды. Тегін қоғамдық көлік концепциясы бұрын бастау алған жастар мен тұрақты жолаушыларға жеңілдік жасау, демалыс күндері тегін қызмет ету шараларынан кейінгі соңғы қадам болды.
Биліктің мұндай қадамға баруына ықпал еткен Люксембург тұрғындарының Еуроодақ бойынша адам басына шаққанда ең көп автокөлікке ие екендігі. Осылай шенділер жүргізушілерді қоғамдық көлікпен жүруге ынталандырып, көшені көлік нөпірінен арылтпақ ниетте.
Аталған шара парламенттегі ең төменгі жалақыны көбейтіп, ел азаматтарының жоғары білім алуын қаржыландыру туралы коалициялық келісімнің бір бөлігі. Бұл шағын мемлекеттегі әлеуметтік теңсіздік жоғары болып табылады, елдегі жұмысшылардың 13 %-ы мен зейнеткерлердің 10 %-ына кедейлік қаупі төніп тұр.
Қоғамдық көліктің ақысыз қызмет етуі салық төлеушілердің қалтасын жылына 41 миллион еуроға жұқартпақ. Бұл жағымды жаңалықтың кейбір тұрғындардың көңілінен шықпағаны таңғалдырады. Жергілікті басылымда жазылғандай, «Кез келген ел мұндай соманы ешкім сұрамаған дүние үшін жұмсауға дайын емес».
Комментариев: 0