Льюис Хэмилтонға жеңіс әкелген Mercedes бәссаудаға түседі

Қарашаның ортасында Лас-Вегаста RM Sotheby’s аукцион үйі 2013 жылғы Формула-1 Mercedes-AMG W04 саудалайды. Бағасы — 10-15 миллион доллар. Машинамен Льюис Хэмилтон Mercedes Petronas атынан жарысқа қатысып, алғаш рет жеңіс тұғырынан көрінген.

2013 жылғы маусым Себастьян Феттельге жеміс дәмін татуға мүмкіндік берген соңғы жарыс болды, ал жас Льюис Хэмилтонның мансабындағы кезекті табысты кезеңге айналды. W04-04 шассиімен шабандоз маусымдағы 19 жарыстың 14-іне қатысып, бес поул-позицияға ие болды. Венгрияның Гран-приінде ғана жеңіс тұғырынан көрінген Льюис командасына Конструкторлар кубогында екінші орын иеленуге көмектесті.

1 / 24

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 24

2013 жылғы маусым 4 литрлік 8 цилиндрлі мотормен жабдықталған көліктер қатысқан соңғы Формула-1 болды. Шасси толық жиынтықпен бәссаудаға қатысады. Бұл мұндай аукциондарда сирек болатын жағдай. Осылайша Лас-Вегастағы бәссауда осындай қозғалтқышпен жүретін соңғы Mercedes-AMG Petronas-тың иесі атануға мүмкіндік береді.

Аукцион ұйымдастырушылары осы замандағы Mercedes F1 командаға, әлемнің жеті дүркін чемпионы, команда жетекшісі Тото Вольффқа тиесілі емес, жеке тұлғаның меншігіндегі жалғыз автомобиль екенін атап өтті. Осы жайт аукционды ерекше қылып тұрғандай. Лот бағасы да сәйкесінше артады.

1 / 8

• 
• 
• 
• 
• 
• 
• 
• 

1 / 8

Егер Хэмилтон мінген болид үшін 15 миллион доллар беретін адам табылса, ол Формула-1-ге қатысқан машиналар арасында ашық аукционда саудаланған ең қымбат көлік атанады. Қазір бұл атақ Михаэль Шумахер тізігіндеген Ferrari F2003-GA көлігіне тиесілі. Былтыр қарашада Швейцарияда өткен бәссауда кезінде ол үшін клиент 14 630 000 франк жұмсаған. Соманы доллар бағамына ауыстырғанда 15 миллионнан әлдеқайда кем болуы ықтимал.