Lucid Tesla Model X-тің бәсекелісін көрсетті

Аса сәнді электрокарлар өндіретін Lucid бренді Air седанынан кейін Gravity кроссоверін көрсетті. Суреттері мен кейбір сипаттамаларына қарасақ, Tesla Model X-тен асып түсетін сияқты.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Gravity 60 миль жылдамдықты 3.5 секундта еңсереді және 700 шақырым жүре алады, бұл Model X-тен 150 шақырымға көп. Дегенмен толық сипаттамасы әлі белгісіз. Lucid өкілдерінің айтуынша модельге электрлі мотордың жаңа буыны және бәсекелестерден қарағанда екі есе шағын батарея орнатқан. Осыған байланысты компания болашақта Air седаны сияқты жүріс қоры көп Dream Edition модификациясын шығара алады.

Аспасында пневмоэлементтер және ерекше жайлы «салмақсыздық режимі» бар бейімді амортизатор қолданады. Gravity 900 вольтты және қуатты бекетте 15 минут ішінде жүріс қорын 320 шақырымға толтырады.

1 / 8

• 
• 
• 
• 
• 
• 
• 
• 

1 / 8

Жаңа модельдің өлшемі де әлі белгісіз, тек жүксалғыштың максимал көлемі 3171 литр болатыны, Model X-тен шамамен бір мыңға көбірек екені айтылды. Сонымен қатар Gravity-дің салоны үшінші қатардағы адамдар үшін де кең болады. Екінші қатардағы жолаушылар үшін жиналмалы үстел қойса, жүргізуші жақта екі дисплей тұрады. Негізгі экранның өлшемі — 34 дюйм. Жолаушыларға арналған тағы бір сенсорлы дисплей ортаңғы панельдің артқы жағында орналасқан.

Электрокроссоверді 2024 жылдың аяғында жасай бастайды. Lucid компаниясы сәнді, ұзаққа шабатын Gravity-ді 80 мың доллардан кем емес бағаға сатуды ойлап отыр. Бұрын компания Gravity-ден екі есе арзан тұруы мүмкін қолжетімді модель шығаруды ойластырғаны туралы айтқан еді. АҚШ нарығында ол кіші Tesla-мен клиентке таласады.