Лондондық көлік иелері каталитикалық бейтараптандырғыштан жаппай айрылуда. Оларды түнде емес, тапа-тал түсте үптеп кетіп жатыр екен. Кейбір жағдайлар тіпті камераға түскен. Алдын ала ақпаратқа сәйкес, қылмыскерлер көбіне бейтараптандырғышы оңай алынатын Toyota Prius үлгісін көздейтін көрінеді.
Тәртіп сақшылары бұл келеңсіз жайттан хабардар. Олардың айтуынша, 2018 жылдың шілдесінен бері осындай 900 дерек тіркелген. Бұл іспен жекелеген адамдар емес, ұйымдасқан қылмыстық топ айналысады деген болжам бар. Олар катализаторда аз мөлшерде болатын платина, палладий, родий, мыс, никель, церий және марганец сынды қымбат металлдарға қызығатын сыңайлы. Экологиялық норманың қатаңдауымен қатар платина, палладий және родий металлдарының да бағасы шарықтап барады.
Комментариев: 0