Lingxi бренді жастарға арналған электрокарын көрсетті

Қытайда Lingxi L седанының саудасы басталды. Бірлескен кәсіпорын жаңа марканың алғашқы электрокары арқылы нарықтағы жағдайын жақсартуға үміттеніп отыр. Батареялы модельде бір ғана күштік құрылым бар, бірақ ол жастарды медиатехнологиясымен, ерекше дизайнымен және арзан бағасымен қызықтырады.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Lingxi L бүйірінен Қытайдың қарапайым электроседаны сияқты көрінеді, дегенмен дизайнерлер алды мен артын және табалдырық айналасын үшбұрыш элементтермен және қырлы бөлшектермен безендірген. Күрделі артқы жарық техникасы да қырлы шанақты қайталайды.

Интерьері есік панеліндегі «үш өлшемді» ендірмелерді қоспағанда, шанақ дизайнымен үйлеспейді. Lingxi L салонының басты ерекшелігі — алдыңғы панельдегі бес экран. Мұнда цифрлы аспаптар панелі, ортаңғы дисплей және жолаушыға арналған бөлек сенсорлы экран бар, ал панельдің шетіне тағы екі экран орналасқан. Бұл экрандар бүйірлік айнаның рөлін атқарады және электрокардың стандарт комплектациясына кіреді.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Өлшемдері — 4830×1845×1503 мм, дөңгелек базасы — 2731 мм. Седан BYD Qin Plus-пен шамалас. Электрокар алдыңғы дөңгелектерді айналдыратын 218 ат күшіне (310 Нм) ие қозғалтқышпен жүреді және алғашқы жүздікті 6.9 секундта еңсереді, ал максимал жылдамдығы — 160 км/сағ. Әзірге BYD-дің 59.22 кВт⋅сағ батареясымен жабдықталады. Онымен седан қайта қуаттаусыз 520 шақырым жүре алады.

Қазір тек базалық комплектацияның бағасы белгілі. Ол 129 800 юань (шамамен 9 млн теңге) тұрады. Dongfeng пен Honda бірлескен кәсіпорын онжылдықтың аяғына дейін оннан астам электрокар өндіруді жоспарлап отыр. Honda бөлек бренд бірлескен кәсіпорын аясында шығатын автокөліктердің саудасына көмектеседі деп үміттенеді. Қытай нарығында мұндай машиналар жергілікті компаниялардың өнімдеріне орын беріп, танымалдығын жоғалтуда. Қытайда Honda-ның сұйық отын тұтынатын модельдерінің саудасы төмендеп барады.