Бренд тарихында «Зефир» атауымен екі рет машина жасалды. Алдымен 30-жылдардың екінші жартысында аэродинамикалық шанаққа ие 12 цилиндрлі флагмандық модельге осы атау берілді. Ол 1936 жылдан 1942 жылға дейін шығарылды. Ал 2006 жылы CD3 платформасында жасалған алдыңғы жетекті седан осылай аталған. Бірақ бір жыл өтпей «зефир» атауы MKZ-ке өзгерді.
Өз отанында Lincoln седан шығаруды былтыр тоқтатқан. Бірақ Continental мен анағұрлым жетілдірілген MKZ Қытайда әлі сатылып жатыр. Жергілікті клиенттер жеңіл көліктен арылуды қаламады, мұны ескерген компания аспан асты елінде седанның болашағы бар деген үмітпен үшінші Zephyr-ді жарыққа шығарды.
Шанхай автосалонында таныстырылған Zephyr Reflection прототипінің техникалық сипаттамасы айтылмады. Сондықтан оған қандай мотор орнатылатыны кейінірек белгілі болады. Салон ішінде аса ірі экран көз тартады. Батырмалар мүлде жоқ, бәрі сенсорлы. Марка өкілдері Lincoln жастар арасында үлкен сұранысқа ие болады деген сенімде, сол себепті интерьерде тачскрин көп.
Комментариев: 0