Li Auto гибрид көліктерінің Ресейдегі иелері жол апаты кезінде қауіпсіздік жастығы ашылса немесе 12 вольтты аккумулятордың қуаты толығымен таусылса автомобильдің электрондық жүйелері толығымен бұғатталатынына шағымданып жатыр деп жазды «Газета.Ru». Машина жөнделсе де электрониканы іске қосу мүмкін емес.
Li Auto жеткізушілерінің бірі компания клиенттердің бұзылған автомобилін дилерге өткізіп, жаңасын жеңілдікпен алуға итермелейді деп ойлайды. Қытайлар үшін бұл қалыпты жағдай болар, бірақ Ресейде ресми дилер болмағандықтан көлікті Қытайға жеткізуге тура келеді, бұл мүмкін емес жағдай.
Қытай электромобильдеріне қосалқы бөлшек жеткізумен айналысатын компания өкілдері де Li Auto машиналарының бұғатталуына қатысты мәселе бар екенін растады. Бағдарламалық жасақтаманы қайта жүктеу және қателерді жою үшін Ресейде фирмалық диагностика құралы жоқ.
Li Auto кроссоверінің Ресейдегі орташа құны жиынтық түріне қарай 6.5-10 млн рубль шамасында. Қазақстанда да Li модельдері бар. L7 паркетнигінің бағасы 21-31.5 млн теңге аралығында болса, L9 моделі 25-36.5 млн теңге тұрады.
Комментариев: 0