Өткен жылы Lexus GXOR прототипі негізінде GX жол талғамайтын көлігін шығарған. Биыл LX те түрленді, концепт J201 деп аталды.
Машинаны америкалық Expedition Overland құрастырды. Бұл компания жол талғамайтын көліктерді саяхатқа бейімдеумен айналысады. Мамандар темір тұлпарға ірі бампер, жаңа табалдырық, қосымша қорғаныс, канистра қоятын кронштейн, экспедицияға арналған жүксалғыш, жарықдиодты шамдар мен шығыр (лебедка) орнатқан. Дөңгелегі General Grabber X3 резеңкесімен қапталды.
Капот астындағы 5.7 литрлік V8 550 аттың күшін береді және 8 сатылы автоматпен жұмыс істейді. Жетілдірілген машинаның клиренсі алдынан 50 мм-ге, артынан 25 мм-ге жоғарылады.
Шеберлер салонына тиіспеген. Ал ыдыс-аяқ қоятын органайзерді жүксалғышқа қойыпты.
Машина осы айда Rebelle Rally-де бой көрсетеді. Тек нәзік жандылар қатысатын жарыста темір тұлпар Калифорния және Невада штаттарымен 2 мың шақырымды жүріп өтеді.
Комментариев: 0