Lexus жаңа буындағы NX-тің суретін жариялады. Одан автокөліктің артқы бөлігі ғана көрінеді. Темір тұлпар Нұр-Сұлтан уақытымен 12 маусым күні таңғы тоғызда жұрт назарына ұсынылады. Көлік туралы басқа еш ақпарат берілмеді.
Дегенмен Lexus NX-тің сырт пішіні баяғыда-ақ құпия болудан қалған. Модельдің фотосуреттері ақпанда желіде тарады.
Техникалық жағына қатысты нақты мәлімет жоқ, бірақ бірнеше болжам жасалды. Еуропа нарығына шығатын кроссовер үш нұсқада ұсынылуы мүмкін: базалық NX200, NX 350h гибриді және қуатталатын NX 450h гибриді. Одан бөлек марка NX 350 атауын тіркеді.
Қазақстанда Lexus NX-тің бірінші буыны үш нұсқада сатылып жатыр: 2.0 литрлік атмосфералы қозғалтқышы бар NX200, 2.0 литрлік турбомоторы бар NX300 және 2.5 литрлік агрегат пен шағын электромотор орнатылған NX 300h. Бағасы 18.8 млн теңгеден басталып, 28.8 миллионға дейін барады.
Комментариев: 0