Lexus шағын LBX кроссоверін көрсетті

5 маусымда Lexus топтамада UX моделінен бір саты төмен тұратын шағын LBX кроссоверін таныстырды.

Автомобильдің ұзындығы — 4190 мм, ені — 1825 мм, биіктігі — 1545 мм, ал дөңгелек базасы — 2580 мм. Модель Toyota Yaris Cross сияқты GA-B платформасына негізделген. LBX-тің «Тойота» моделіне платформасы ғана емес, күштік құрылымы да ұқсас.

1 / 8

• 
• 
• 
• 
• 
• 
• 
• 

1 / 8

LBX 1.5 литрлік бензинді мотор және шағын электромотормен жүреді, агрегат вариатормен жұмыс істейді. Жалпы қуаты 134 ат күшіне (195 Нм) жетеді. Алдыңғы жетекті және толық жетекті нұсқасының бірін таңдауға болады. Толық жетекті түрленімінің күштік құрылымы қандай болатыны қазірше белгісіз.

1 / 10

• 
• 
• 
• 
• 
• 
• 
• 
• 
• 

1 / 10

Toyota Yaris Cross пен Lexus LBX-тің интерьер архитектурасы айтарлықтай өзгеше. Қымбат автомобильде 12.3 дюймдік цифрлы аспаптар панелі, Apple CarPlay және Android Auto-мен жұмыс істейтін 9.8 дюймдік медиажүйе экраны бар. Опциялар тізіміне проекциялы дисплей және электронды көмекшілер кешенінің толық жинағы енеді.

Жаңа Lexus кроссовері 2024 жылдың басында сатылымға шығады, модель туралы толық ақпарат сол кезде белгілі болады. LBX Еуропа нарығына арналған, бірақ бірқатар өзге елде де саудаға шығады. Нақты тізім әлі жарияланған жоқ, бірақ Қазақстанға келмейтін шығар.