Lexus SEMA-да жақсарған екі LX 600-ді көрсетті

АҚШ-тың Лас-Вегас қаласында өтіп жатқан SEMA тюнинг-шоуында Lexus бірнеше жобасын таныстырды, арасында екі Lexus LX 600 бар.

Бірінші автомобильді Annex Marketing тюнерлері әзірлеген. Машина жаңа жабдықтарға толы деп айта алмаймыз, дегенмен көп өзгеріс сыртынан байқалады. Тізімде Artisan Spirits ұсынған карбон элементтері бар бастырық, 24 дюймдік HRE дискісі, ені 285 мм Toyo Proxes ST III шинасы бар. Техникасына келер болсақ, шеберлер жаңа газ шығаратын түтік пен 8 поршенді Brembo тежеуіш машинкаларын орнатқан. Моторына қатысты мәлімет жоқ.

1 / 7

• 
• 
• 
• 
• 
• 
• 

1 / 7

Алыс сапарға аттанатын жандарға ыңғайлы екінші көлік Alpine Lifestyle Concept деп аталады. Машинаға шанағы мен астыңғы бөлігін қорғайтын жабдық орнатып, төбесіне жүксалғыш қойған, одан бөлек тент-маркиза, қосымша жарықдиодты шамдар және Yeti фирмасы жасаған бірнеше жәшікті көруге болады. Негізгі жүксалғышта органайзер тұр, ал дөңгелегі жол талғамайтын бүртабан шинамен қапталған.

1 / 5

• 
• 
• 
• 
• 

1 / 5