Lexus LF-Z концептісіне негізделген, сонымен қатар Toyota bZ4X және Subaru Solterra-мен бір платформаны бөлісетін RZ электромобилін жақында таныстырады. Бұл жолы премиум бренд өкілдері модельдің суретін жариялап, ол жарыққа шығатын күнді атады. Компания су жаңа машинаны биыл 20 сәуірде жұрт назарына ұсынады.
Алғашқы суреттен электромобильдің алдыңғы бөлігі, екіншісінен жүргізуші орны көрінеді. Одан көлік интерьері bZ4X пен Solterra-ға онша ұқсамайтынын байқауға болады. Рөлі де ерекше пішінде жасалған.
Техникасына келер болсақ, RZ-ке bZ4X-тегі секілді күштік құрылым, яғни 215-ке жуық ат күшін беретін екі электромотор мен сыйымдылығы 72.8 кВт·сағ болатын батарея блогы қойылуы мүмкін.
Комментариев: 0