Lexus LX-тің гибрид нұсқасы шығады

Lexus жақында LX-тің 700h индексті жаңа нұсқасын көсетті. Машинаның күштік құрылымы бензин-электрлі болады әрі қуаты артады. Жол талғамайтын көліктің шанағы мен аспасы жақсарып, салоны аздап өзгерген, сондай-ақ жол талғамайтын Overtrail нұсқасы пайда болады.

Lexus LX 700h Toyota-ның АҚШ-тағы бірнеше моделіне қойылған i-Force Max гибрид құрылымымен жабдықталады. Ол 3.5 литрлік V6, 10 сатылы автомат қорап және электромоторды қамтиды. Бірақ премиум модельдің флагмандық статусын көрсету үшін агрегаттың қуатын аздап арттырған. Күштік құрылым жалпы 464 ат күші мен 790 Нм береді. Ал Tundra-да агрегат 434 ат күшіне ие. Гибридтің қуаты бензинді LX 600-ден 50 күшке артық болады.

Батарея сыйымдылығы қанша болатыны қазірше белгісіз. Марка оны су өткізбейтін қорапқа салып, жүксалғыш еденнің астына орнатқан. Lexus гибрид LX жол талғамайтын мүмкіндігін сақтап қалатынын айтты.

Мамандар машина бұрынғыдай жайлы болу үшін амортизаторын жаңартты. Салонда 12.3 дюймдік үлкен дисплей мен бұрынғы ірі трансмиссия иінтірегінің орнына шағын джойстик пайда болды. Салонды әрлеу материалының саны артып, ең қымбат комплектациясы өте жайлы алдыңғы орындықпен жабдықталды.

1 / 5

• 
• 
• 
• 
• 

1 / 5

Гибридтің сырт пішінінде бензинді модельмен еш айырмашылық жоқ. Ал Overtrail нұсқасын күңгірт радиатор торы, қара декоры, өзгеше дөңгелек дискісі және эксклюзивті шанақ түсі арқылы оңай тануға болады. Машинаның стандарт жабдықтар тізімінде 265/65R18 өлшемді шина және ось аралық дифференциалды бұғаттау бар.

Гибрид келер жылдың басында саудаға шығады, ал Overtrail түрленімі дилерге кейінірек жетеді. Бағасы әлі жарияланған жоқ, бірақ LX 700h 100 мың доллардан қымбат тұруы мүмкін.

Өндіруші гибрид LX бензинді қанша аз тұтынады деген маңызды сұраққа әлі жауап берген жоқ.