Аlau.kz хабарлағандай, келеңсіз оқиға 23 қазанда Қостанайдағы № 16 гараж кооперативінде болған.Төбелес болған сәт бейнебақылау камерасына түсіп қалды.
Белгілі болғандай, жол талғамайтын көлік жүргізушісінің әрекетінен 69 жастағы Анатолий Шевцов зардап шекті. Ол «алтылығының» тіркемесін ажыратпақ болып, гараж маңына тоқатайды да, өтер жолды жартылай жауып қалады. Осы уақытта гараждар арасынан Lexus LX 570-ті тізгіндеген ер адам шығады. Шевцов оның тар жерден өтуіне көмектеседі, бірақ сол арада Lexus иесі зейнеткерді балағаттаған. Қария да басынан сөз асырмайды. Ұрыс-керіс барысында зейнеткерді бірнеше рет ұрған ер адам оның мұрнын бұзып, тісін сындырады да, көлігіне отырып табанын жалтыратады. Зейнеткер полицияға арыз жазған, бірақ бұзақы әлі табылған жоқ.
Комментариев: 0