Veygo сақтандыру компаниясы қызықты зерттеудің нәтижелерін жариялады. Оның талдаушылары әлем бойынша ең көп ізделетін автокөлік брендтерін атады.
Бұл тізімдегі үздіктер көшін үлкен басымдылықпен Toyota бастап тұр: 171 мемлекеттің ішінен Қазақстанды қоса алғанда, 57 елдің іздеу тізімінде алдыңғы қатарда. Екінші орынға BMW жайғасқан. Бавариялықтардың еншісінде 25 ел бар, ал үздік үштікті Mercedes-Benz түйіндейді (23 ел). Өз баяндамаларында жоба авторлары Lamborghini көлігіне де зор мән берген. Италиялық өндірушінің қолынан шыққан суперкарлар әлемнің 12 елінде жиі қаралады екен.
Бұлардан бөлек, Veygo талдаушылары іздеу сұраныстарының ай сайынғы мөлшерін де есептеген. Мұнда да Toyota дес берер емес: 7.8 сұралым. Екінші орынды Honda (7 млн) иеленсе, ал үшінші орынға Ford (6.4) тұрақтапты.
| Орын | Марка | Іздеу сұраныстары |
| 1 | Toyota | 7 829 500 |
| 2 | Honda | 7 052 050 |
| 3 | Ford | 6 420 410 |
| 4 | Hyundai | 6 361 160 |
| 5 | BMW | 6 269 280 |
| 6 | Volkswagen | 5 795 680 |
| 7 | Mercedes-Benz | 5 078 799 |
| 8 | Nissan | 4 927 790 |
| 9 | Audi | 4 827 280 |
| 10 | Renault | 4 816 400 |
Комментариев: 0