Land Rover электрлі Range Rover-ді көрсетті

Бренд электрлі Range Rover-дің экстерьерін құпияда ұстамауға шешім қабылдады. Камуфляжсыз көлік суық ауа сынағынан өту кезінде суретке түсті.

Бензинді «рейндж» бен электрлі нұсқаның арасында визуалды айырмашылық жоқ. Радиатор торы басқаша, ал бүйіріндегі қақпақтың астында жанармай багының мойны емес, қуаттау жалғағышы бар.

1 / 4

• 
• 
• 
• 

1 / 4

2025 жылы өтетін дебютіне қарамастан, Range Rover Electric-тің техникалық сипаттамасы туралы ақпарат жоқ. Модель 800 вольтты борттық желісі бар EMA модульдік платформасына негізделгені бұрын айтылған болатын. Автомобильдің динамикалық сипаттамасын қазіргі V8 моторы бар Range Rover-мен салыстыруға болады, бірақ стандарт нұсқа ма немесе қуатты SV ма айтылмаған. Бензинді «рейнджбен» электромобиль жол жоқ жерде бәсекеге түсе алады. Бренд өкілдері көлік 850 мм (сол күні көрсетілген электрлі «гелик» G 580-мен бірдей) таяз судан өте алатынын айта кетті.

Компания бонус ретінде ABS емес, электрлі қозғалтқыштардың шебер басқаруына негізделген трекшн-қадағалау жүйесінің жаңа буыны болатынын мәлімдеді.