Компания сегіз қырлы гауһар тастың құрметіне аталған Defender Octa-ны келесі аптада Гудвудтағы жылдамдық фестивалінде көрсетеді. Land Rover жаңа модель туралы толық ақпарат жариялады.
Defender Octa пішінді дөңгелек аркасымен, газ шығару жүйесінің төрт түтігімен және радиатор торының жаңа өрнегімен ерекшеленеді. Клиренсі қарапайым «Дефпен» салыстырғанда 28 мм артып, дөңгелегі 33 дюймдік Goodyear Advance All-Terrain шинасымен қапталғандықтан шанағы жоғарылады.
Жол талғамайтын көлік 4.4 литрлік V8 битурбо моторымен жабдықталған, ол 8 сатылы автомат қораппен жұптасады. Мотор 635 ат күшін және 750 Нм момент береді, ал Octa режиміне ауысқанда момент 800 Нм-ге дейін артады. Көлік алғашқы жүздікті 4.0 секундта еңсереді, максимал жылдамдығы — 250 км/сағ. 6 поршеньді суппорты бар Brembo тежеуіші де өз орнында тұр.
Белсенді амортизаторлары мен тұрақтандырғыштары бар Land Rover 6D Dynamics жүйесі қозғалыс кезінде жол талғамайтын мүмкіндіктерін жоғалтпай, шанағының қисаюына жол бермейді. Машина тереңдігі 1 м өткелден өте алады.
Бренд материалы мен түсін, сондай-ақ қара ағашты таңдауға болатын былғары салонның екі нұсқасын ұсынады. Бас тіреуіші бар жаңа Performance орындықтарының бүйірлік тірегі бұрынғыдан жақсарды. Шектеулі уақыт шығатын Octa Edition One карбонмен әрленеді.
Ұлыбританияда Land Rover Defender Octa-ның бағасы 145 300 фунт стерлингтен (~86.8 млн теңге), Octa Edition One-ның құны 160 800 фунттан (~96.1 млн теңге) басталады.
Комментариев: 0