Land Cruiser 300-ге ұқсайтын Toyota HiAce

Жапониядағы B-Dash шеберлерінің қолынан өткен бесінші буын Toyota HiAce (H200) ірі радиатор торы және сығырайған жарықдиодты шамдары бар жаңа Land Cruiser 300 GR Sport-қа ұқсап қалды. Бөтен көліктің алды құйып қойғандай жарасты, бірақ Toyota екі түрлі машинаны үйлестіру туралы ойламаған да шығар.

HiAce-тың алды кішкентай болғандықтан радиатор торын ықшамдауға тура келді. Ателье микроавтобусқа Wald-тың алдыңғы бамперін, Stinger-дің артқы бамперін, Essex Progress бүйірлік етегін және аспасын төмендеткен соң арка кеңейткіш, 20 дюймдік Project D D-1SR дөңгелектерін орнатты. Спорттық пішін алған автомобильге Dark Red Mica Metallic түсі де сай келді.

1 / 5

• 
• 
• 
• 
• 

1 / 5

Getsu Ace деген атау алған көліктің ішін қара-қызыл былғарымен әрлеген. Салонына 6 адам еркін сыяды. Жүксалғыш бөліміне Diecock аудиожүйесі, бірнеше динамик пен дыбыс күшейткіш жайғасты.

Toyota Getsu Ace тек көрмеге арналған үлгі болғандықтан, фирма бір данасын жасаған және зауыттан шыққан моторы мен беріліс қорабы өзгеріссіз қалды.