Lamborghini әйгілі суперкардың айрықша түрленімінің алғашқы ресми суретін жариялады. 2019 жылғы концептіге қатты ұқсайтын Huracan Sterrato брендтің дәстүрлі қозғалтқышпен жүретін соңғы моделі болады.
Көлік дөңгелек аркасындағы ірі қаптамасын сақтап қалған. Ол ірі табалдырықпен астасып, темір тұлпардың жол талғамайтын қасиетін айқындай түседі. Одан бөлек мамандар төбесіне ауа тартқыш, арт жағына шағын антиқанат орнатыпты.
Huracan Sterrato-ның алдыңғы бамперінде қосымша оптика, рейлинг болады, бірақ концептуалды көлік пен сынақтан өткен прототип шатырындағы жарықдиодты арқалықты алып тастаған. Дөңгелегі Bridgestone Dueler резеңкесімен қапталады.
Техникасына қатысты еш мәлімет жоқ. Lamborghini концептіні негізге алса, суперкардың клиренсі 30 метр, жолтабаны 30 милиметр ұлғаяды және 5.2 литрлік V10-мен жүреді.
Марканың келесі модельдері гибрид күштік құрылыммен жабдықталады. Ал 2028 жылы Lamborghini толыққанды электромобиль шығаруды жоспарлап отыр.
Комментариев: 0