Lamborghini Urus полицияда қызмет етеді

Келер жылы Италия полициясының автопаркіне Performante нұсқасындағы Lamborghini Urus қосылады. “Форма киген” көліктің суреттері жарияланды. Urus патрульдік қызметке немесе қылмыскерді қууға қатыспайды. Кроссовердің оған шамасы жетеді, бірақ оны ізгі мақсатта пайдаланбақшы.

1 / 8

• 
• 
• 
• 
• 
• 
• 
• 

1 / 8

Дубай полициясы суперкарлар мен сәнді автомобильдер коллекциясымен белгілі, бірақ БАӘ-де олар имидж элементі функциясын атқарады. Италияда полиция көлігінің түсіне боялған және төбесінде жарқылдауық маягы бар Lamborghini Urus-ты арнайы гуманитарлық тапсырмалар үшін пайдаланады. Дәрігерлер уақыт тапшы кезде кроссовермен донорлық мүшелер, қан мен плазма тасымалдай алады.

Urus Performante-де жедел байланыс терминалы мен қару салатын сейф бар, жүксалғышына медициналық тоңазытқыш, дефибриллятор және басқа ұсақ заттарға арналған органайзер орнатқан. 666 ат күшін (850 Нм) беретін 4 литрлік V8 мотордың арқасында алғашқы жүздікті 3.3 секундта еңсеріп, жылдамдығы 306 шақырымға дейін жетеді. Performante нұсқасы жеңіл шанақпен, өзгерген аэродинамикамен және бапталатын спорттық аспамен ерекшеленеді.

Компания полициямен 20 жылдай жұмыс істеп келеді, бренд берген көліктердің ішінде Urus Performante алтыншысы. 2017 жылы Huracan LP610-4 купесін тапсырған, оны да осылай жабдықтаған болатын.