Lamborghini Lanzador концептісінің тұсаукесері өтті

Lamborghini Пеббл-Бич қаласында өткен көрмеде электрокарын таныстырды. Lanzador кросс-купесі концепт-кар ретінде шыққанымен, топтамадағы төртінші модель қандай болатынын айқандай түсті. Сонымен қоса батареялы көлік жалпы қолданыстағы жолда жүретін Lamborghini модельдерінің ең қуаттысы болуы мүмкін.

Lanzador брендке тән емес пішінде жасалған. Кросс-купе Revuelto немесе жеңіл Urus кроссоверін еске түсіреді, бірақ қайталанбас пішіні және төрт орындығы бөлек орналасқан салон құрылымымен ерекшеленеді.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Жақында желіде тараған суреттерден автомобильдің экстерьері мен интерьері белгілі болды. Үш есікті электрокардың сырт пішініндегі элементтер Lamborghini-дің бұрынғы модельдерін меңзейтінін аңғару қиын емес. Бірақ Lanzador «көбелек қанаты» секілді брендке тән есігінен айырылды. Салонда бірден бес экран бар (жүргізушіге, жолаушыға арналған және үш артқы көрініс айнасы), артқы креслоларды бүктеп, жүксалғыш көлемін ұлғайтуға болады. Алдыңғы жағында жүк қоятын тағы бір орын пайда болды.

Көпшілік тұсаукесер кезінде Lamborghini электрокардың техникалық сипаттамасын жариялайды деп күткен, бірақ көп ақпарат құпия күйінде қалып, бірді-екілі мәлімет берді. Мысалы, Lanzador белсенді аэродинамикалық бөлшектерге ие болды: алдыңғы сплиттер, артқы диффузор және кейбір қалқалағыш өз қалпын өзгерте алады. Жүйе екі режимге ие: бірі — минимал маңдайлық кедергі күшіне арналған Efficient, екіншісі — максимал қысу күшіне арналған Downforce.

Аспасын жасағанда бейімді амортизаторлар мен пневмоэлементтер пайдаланған, артқы дөңгелектер басқарылады, жүргізуші ассистенттерінің жинағына сезгектер кешені қосылды.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Күштік құрылым үш электромотордан тұратыны белгілі. Бірігіп 1360 ат күшін беретін агрегаттардың біреуі алдыңғы осьте, қалған екеуі артқы дөңгелекте орналасқан. Әр мотордың тарту күшін жеке басқаруға болады. Әзірге ешқандай динамикалық сипаттамасы жарияланбады.

Алғашқы батареялы Lamborghini өз алдына жеке модель атанды. Компания басқа суперкарларына батарея орнатпаған. Lanzador осы қалпында конвейерге тұрады да, топтамадағы модель саны төртке жетеді. Компания өкілдерінің пікірінше кросс-купе Ultra GT деп аталатын жаңа класс ашады. Lamborghini алыс сапарға және күнделікті жүруге арналған жайлы әрі қуатты автомобильдеріне осы терминді қолданады. Бұл көлік брендке тән деңгейді сақтауы керек, сонымен қоса кедір-бұдыр жолда жүруге жарамды.

Lanzador 2028 жылы сериялы өндіріске шығады. Бес жылда жоба бойынша көп нәрсе өзгеруі мүмкін, бірақ электрокар туралы жалпы түсінік қалыптасты. Конвейерге тұратын Lamborghini кросс-купесі пайда болмай тұрып, марка Urus кроссоверінің гибрид нұсқасы мен қазіргі Huracan-ның ізбасары болатын кіші суперкардың жаңа буынын шығарады.