Lamborghini Diablo қалай жоғалды

Әдетте ұрылар сирек кездесетін және сәнді машинаға аса қызықпайды, өйткені мұндай көлік тез көзге түседі әрі сату оңай емес. Әрине коллекция үшін құнды машиналарды қолды ететін халықаралық топтар болады, бірақ біз сөз етіп отырған оқиғадан әуесқой ұрылардың қолтаңбасы байқалады.

2019 жылы Шотландия тұрғыны Алистер Маккиллоп 2001 жылғы Lamborghini Diablo 6.0 VT көлігін досына уақытша береді (қызметі қарбалас болғандықтан машина гаражда бос тұрған). Мұндай оң рөлді суперкардың 12 данасы ғана шыққан, сол үшін Алистер сүйікті «ламбосына» аса қатты алаңдамайды.

Алайда аз уақыттан кейін Маккиллопқа Британияның жүргізуші және көлік құралын лицензиялау агенттігі (DVLA) хат жазып, біреулер Lamborghini-ді басқа атпен тіркеуге тырысып жатқанын хабарлайды. Ол дереу досына хабарласып, машинасын жақында өзі алып кеткенін біледі.

Қызық екен, мұны қалай түсінуге болады?

Ақыры автомобильді жоғалды деп жариялайды. 2022 жылы желтоқсанда көлік Англияның оңтүстік-батысындағы Сомерсетте қараусыз қалған фермадан бөлшектелген күйде табылды. Diablo-ның есігі, ауа тартқышы, оптикасы, мотор бөлігінің қаптамасы және біршама шанақ элементі жоғалған. Бірақ салоны мен 550 ат күшіне ие 6 литрлік V12 моторы аман қалыпты.

1 / 6

• 
• 
• 
• 
• 
• 

1 / 6

2022 жылы жазда біреулер Эссекстегі көлік жөндейтін орталыққа барып, осы Diablo-ға кілт жасап, код жазып беруді сұрайды. Демек сол уақытқа дейін машина аман-сау болған.

Шеберлер бас тартқан соң ұрылар қымбат машинаны мінуден күдер үзіп, оны пайдаға жаратудың жалғыз жолы бөлшектеп сату екенін түсінген сияқты. Бірақ бұл процесс толық аяқталмай қалыпты.