Lamborghini Aventador-дың ізбасары қандай болады

Патенттік бюроға жеткен аксонометриялы эскизден «Авентадордың» орнын басатын, әлі атауы жоқ машинаның сырт пішіні қандай болатынын көруге болады. Суперкардың бұрыннан таныс пропорциясы мен күрделі шанақ бедері өзгеріссіз қалыпты.

1 / 3

• 
• 
• 

1 / 3

Жаңа өнімнің V12 қозғалтқышы қазіргі 6.5 литрлік агрегатқа негізделуі мүмкін, қосымша гибрид қондырма арқасында ол 770 ат күшіне ие стандарт Авентадордан әлдеқайда қуатты болады. Бойында 1000 аттың күші бар Ferrari SF90-ның басты бәсекелесі екенін ескерсек, қуаты тіпті төрт таңбалы сан болуы мүмкін. Былтыр күзде фототыңшылар түсірген салон фотосынан 8500 айн/мин межесінде қызыл белгі жанғанын, City жүріс режимін және алдыңғы панельдегі екі бөлек экранды көруге болады.

1 / 6

• 
• 
• 
• 
• 
• 

1 / 6

Lambo-ның тұсаукесері бір-екі айдан кейін Женева автосалонында өтеді. Одан кейін Huracan-ның ізбазары жарық көреді, ол Urus суперкроссоверінің екінші буыны сияқты plug-in-гибрид болады. Толықтай электрлі Lamborghini онжылдықтың соңына қарай шығады. Сант-Агата-Болоньезедегі мамандар оны жасауға асықпайды.