Lada X-cross  5 кроссовері дилердің қолына түсті

Адамдар дилердің сату алаңындағы жаңа LadaX-cross 5-ті байқады. Автомобильдің суреттерін ВКонтакте желісіндегі Avtograd News жариялады. Модельдің құны мен сатылатын күні туралы әлі ресми мәлімет жоқ. Өндіріс процесі қалай жүріп жатқаны да белгісіз.

1 / 4

• 
• 
• 
• 

1 / 4

Суреттің авторлары дилердің тұрағына жүзге жуық қара, ақ және қызыл түсті көлік келгенін айтты. Кейбір деректе өндірушіге тікелей қатысы бар «Центральная СТО» компаниясы туралы айтылып отыр.

Биыл маусымда Lada X-cross 5 өндірісі іске қосылғалы бері Санкт-Петербургтегі зауыт жоспарлаған 10 мың автомобиль орнына 100 машина ғана құрастыра алды. Тольяттиге сатуға болатын барлық кроссоверді әкелген болуы керек.

Көлікті не күтіп тұрғаны белгісіз, тек болжауға болады. Кроссоверлер АВТОВАЗ-дың корпоративтік клиенттері мен мемлекеттік кәсіпорындар ресейлік шенеуніктерді (орта дәрежелі болар) отандық автокөліктерге отырғызу үшін алады деген бір болжам болса, машина саудаға шығады дейтіндер де бар.

АВТОВАЗ-дың өзінде екінші болжамға қарсы жанама жауап бар сияқты. Хабарландыру слайды тамыз айында жарияланғанымен, біраз уақыт бұрын X-cross 5 моделі туралы ақпарат Lada брендінің ресми сайтынан алынып тасталды.

Lada X-cross 5 — өзгерген FAW Bestune T77. Ол 7 сатылы роботпен жұптасқан 160 ат күші бар 1.5 литрлік қозғалтқышпен жүреді, Enjoy және Techno комплектациясында сатылады деп болжанған. Алайда саудаға әлі шыққан жоқ. Инсайдерлер өндіруші шығыстағы серіктесімен келісе алмады деп топшылады.

Күзде АВТОВАЗ-дың жағдайын санкциялар қиындата түсті. Тольяттидегі жүз автокөлік бренд тарихындағы алғашқы және соңғы модель болуы мүмкін.