Lada Vesta-ның ұзарған және қуатты платформасына негізделген жаңа моделі туралы мәліметті Тольяттидегі блогер KhaDm жария етті. Машинаның құрылымы бар сурет модельдің техникалық сызбасында көрсетілген.
«Веста»-минивэннің дөңгелек базасы — 2909 мм, ұзындығы — 4600 мм, биіктігі — 1641 мм. Үш қатарлы салоны жеті орынды. Өлшемдері жағынан автомобильді Largus-тың ізбасары деуге болады.
АВТОВАЗ минивэнге жаңарған 1.6 және 1.8 литрлік агрегаттар орнатпақшы. Зауыт жаңа өніміне вариатормен жұптаса жұмыс істейтін 149 ат үшіне ие қытайлық турбомоторды (1.4 л) бейімдеуге де ниетті.
Компания концептіні биыл көрсететіні бұрын белгілі болған еді. Бірақ минивэн конвейерге жақында тұрмайтын сияқты, себебі өндіруші бұған басымдық беріп отырған жоқ.
Комментариев: 0