2020 жылы қыркүйекте Lada Vesta мен XRAY жүргізушілері цифрлы аспаптар панелін ала бастады. Бұл әрине зауыттан берілетін опция емес. Оған арналған дисплей мен бағдарламаны энтузиастар жасаған. Ол шамамен 45 мың рубль (260 мың теңге) тұрады.
Бірақ бұл деталь қазір жаңалық емес. Панельге арналған жаңа тақта (скин) әлдеқайда қызықты. Ол АВТОВАЗ-дың классикалық модельдерінің бірі ВАЗ-2101 стилінде жасалған. Әрі ерекше көрінеді.
Дисплейден түпнұсқа спидометр мен одометр, түрлі ескерту шамдары, жанармай деңгейі мен салқындатқыш сұйықтық температурасын көрсеткіш, сондай-ақ цифрлы тахометр, жүріс қоры мен жанармай шығынын, круиз-бақылау қызметін көрсеткіш сынды заманауи автомобильге тән өзге де мәліметтер көрінеді.
Мұндай панельді қолдану қаншалықты ыңғайлы екені белгісіз. Бірақ оның өткен кезеңді еске салатыны сөзсіз.
Комментариев: 0