AvtoVAZ News берген ақпаратқа сүйенсек, Өзбекстан ірі торапты әдіспен Lada автокөліктерін өндіретін елдердің қатарын толықтыруы мүмкін.
Тольяттидегі зауытта Өзбекстанға жіберілетін Lada XRAY Cross шанағы шығарылған. Оны тиісті орынға жеткізетін АВТОВАЗ делегациясы машина құрастыру мүмкіндігін зерттейді.
Кейінгі кездері Өзбекстанда автоөндіріс қарқынды дамуда. Chevrolet көліктерінен бөлек бұл елге Volkswagen келді, жуық арада Kia-ның Seltos және K5 модельдері шығарылады. Škoda да қызығушылық танытып жатыр. Қазан айында Ресейде құрастырылған Kodiaq сатылымға шықса, 2022 жылы машина осы елде өндіріле бастайды.
Өзбекстан нарығынан Қазақстанда құрастырылған Hyundai машиналарын кездестіруге болатынын айта кеткен жөн. Биылғы сегіз айда көрші елге 2.7 мың автокөлік жіберілді.
Комментариев: 0