Lada Niva Travel ұзын болады

Lada Niva Travel-дің жаңа модификациясы пайда болуы мүмкін. Бұл туралы «Автопоток» телеграм-каналы жеке дереккөзіне сілтеме жасап хабарлады.

Автомобиль стандарт дөңгелек базасын сақтайды, бірақ артқы бөлігі ұзарады. Қосалқы дөңгелек жүксалғыш еденінің астына жайғасады. Niva Travel 5 орынды болып қалады, үшінші қатарда орындықтар болмайды. Бұл шағын жүксалғыш көлемін ұлғайту мақсатында жасалады.

Ұзарған «Niva Travel» нарықтан кеткен Niva Legend 5D-дің (ВАЗ-2131) ізбасары болады. Орташа динамикасына қарамастан, ұзын бес есікті «Нива» сұранысқа ие болған, бірақ 2022 жылдың көктемінде бренд өндірістік мәселелерге байланысты конвейерден алып тастады.