Lada Niva Sport: барлық мүмкіндігі белгілі болды

RCI News | Russian Car Industry парақшасы Lada Niva Sport-тың барлық құрылымдық және дизайн ерекшелігін көрсететін фотосуреттер жариялады. Автомобиль 2024 жылы сериялы өндіріске шығатын Niva Bronto-дан жоғары деңгейде жасалады.

Niva Sport алғысы келген азамат стандарт сегіз клапанды 1.7 литрлік мотор (83 ат күші) мен қуаттырақ 1.6 литрлік мотор (90 күш) арасынан таңдау жасайды. Бірақ 16 клапанды 1.6 (106 а.к.) және 1.8 литрлік (122 а.к.) қозғалтқыш көбірек сұранысқа ие болады деген болжам бар. Бір ғана беріліс қорабы болады — 5 сатылы механика. Мамандар автомобильге күшейген аспа мен тиімді тежеуіш орнатады.

1 / 9

• 
• 
• 
• 
• 
• 
• 
• 
• 

1 / 9

Жол талғамайтын көлік жарықдиодты тұманға қарсы шам, шноркель, капоттағы ауа тартқыш және арка кеңейткішпен жабдықталған, дөңгелек өлшемі — Cordiant Off-Road 205/70 R16. Салонда бүйірлік тірегіші бар кресло, жаңа беріліс қорабы иінтірегі, жаңарған ортаңғы тоннель және жаңа рөл бар.

Салонды толықтай қызыл түс аралас былғарымен әрлепті, тіпті аспаптар панелі, орындық және есік картасы да былғарымен қапталған. Бірақ мұның бәрі опция болуы мүмкін.

Жол талғамайтын көліктің шағын көлемді өндірісін АВТОВАЗ-дың LADA Sport бөлімшесі жүзеге асырады. 122 ат күшіне ие қуатты моторы бар Niva Sport-тың сынақ нұсқасы Татарстан басшысы Рустам Миннихановтың қолына тиді.