Lada Niva-ның оң рөлді нұсқасы шыға ма?

АВТОВАЗ Африка нарығына шығуға шындап кіріскен сияқты. Компания Мысырда Lada өндірісін қалпына келтіруді жоспарлап отыр, одан өзге елдермен де серіктес болуға дайын. Бұл тізімде Алжир бар, онда 2022 жылға дейін Renault Logan Тольяттиден келген автожинақтан жасалған деп хабарлады Drom.ru.

Сондай-ақ АВТОВАЗ Оңтүстік Африкаға автомобиль экспорттауға ниетті. Онда көліктер жолдың сол жағымен жүреді, сол үшін зауыт Lada Niva-ның оң рөлді нұсқасын қайта шығаруы мүмкін. Мұндай машина 1979 жылдан 1997 жылға дейін Тольяттиде жасалған.

АВТОВАЗ Renault-мен барлық байланысын үзгендіктен, Африка нарығына қызығушылық танытып отыр. Максим Соколовтың айтуынша бұған дейін француз маркасы Африка елдеріне Lada көліктерінің кіргенін қаламаған.