Lada Iskra-ның салоны қандай болады

Ресейдің Федералды өнеркәсіптік меншік институты АВТОВАЗ Iskra топтамасын патенттеу үшін берген өтінішті жария етті. Бұл жолы салон архитектурасын толық көруге болады, одан бөлек базалық комплектацияның интерьері суретке түсіп қалған.

Эскизден орындықтар мен артқы диванның конфигурациясы, есік карталары, рөл және алдыңғы панельдің пішіні, ортаңғы тоннель анық байқалады.

1 / 4

• 
• 
• 
• 

1 / 4

Тағы бір суреттен магнитола тұратын қуыс, аналогтық аспаптар, артқы әйнекті көтеретін элементтер көзге түседі. Мұндай Iskra-ның диванында ортаңғы бас тірегіш болмайды, интерьері екі түсте әрленген. Артқы орындықтар жылынады екен. Ортаңғы консольге дисплей орнатқан жақсырақ комплектациядағы кейбір элемент күміс түсті. Рөлі «Вестанікі» сияқты.

Біраз уақыт бұрын желіде Iskra-ның бампері мен радиатор торы көрінетін патенттік сурет тараған. Соған қарап жаңа модель Х тәрізді пішінде жасалады деп топшыладық. Алдын ала мәлімет бойынша топтамаға үш түрленім (седан, универсал, кросс-нұсқа) кіреді, машина Renault — Nissan концерні жасаған CMF-B платформасының Ресейде жасалған түріне негізделеді.

Әлеуметтік желіде салон прототипінің суреті де жүр, ол патенттік рендермен бірдей. Сол суретте француз маркасынан қалған рөл астындағы қосқыш байқалады.