Lada-ға орнатылатын кешен IPS-матрицалы 8 дюймдік сенсорлы HD-дисплейден және дыбысы аса жарқын шығатын Arkamys аудиожүйесінен тұрады. Apple CarPlay, Android Auto-мен жұмыс істейтін және «Яндекс» қызметін қолдануға мүмкіндік беретін операциялық жүйе есікті бұғаттан шығаратын батырманы басқан сәтте экрандағы қосымшаны бірден жүктейді. Мультимедиа машина оталуын тоқтатса да, жүргізуші hands-free арқылы сөйлесіп болғанша, ал жолаушылар сүйікті әуенін тыңдап алғанша жұмысын тоқтатпайды. Сондықтан алдыңғы есік ашылғанда ғана салонда тыныштық орнайды.
Lada Enjoy Pro-ның негізгі функциялары сенсорлы экран арқылы ғана емес, төменгі бөліктегі және рөлдегі батырмалар мен дауыс арқылы да басқарылады. Жоба авторлары бағдарлама жиі жаңартылып тұратынын, әрі жасанды интеллект пайдаланушының әрекеті негізінде дағдылы бағыттар ұсынып, оның көңілінен шығатын әуендер тізімін жасайтынын айтады.
Жаңа кешеннің қай модельдерге орнатылатынын АВТОВАЗ кейін хабарлайды. Бірақ қазір Lada мініп жүргендер машинасындағы мультимедиа дәл соның деңгейінде жаңарады деп үміттенбегені жөн, себебі ол автоөндірушінің жоспарында жоқ.
Комментариев: 0