«П-В-Рус» компаниясы Lada Granta-ға негіздеген ершікті тартқыш шығарады. Бұл туралы «Южный автомобиль» порталы хабарлады. Мұндай машина ұзындығы 6.2 метр жартылай тіркеме сүйрей алады, оған 1.5 тоннаға дейін жүк артуға болады.
Өзгеше Lada Granta «ВИС-Авто» фирмасы 2349 индексімен шығарған модельдің бұрыннан таныс коммерциялық нұсқасына негізделген. Машина жартылай рамалы құрылымымен ерекшеленеді, «Гранта» шанағының жартысы өзге аспасы бар рамаға ауысады, оған әртүрлі коммерциялық қондырма орнатуға болады.
Ершікті тартқыш болған кезде артқы аспада гидравликалы амортизаторы бар серіппе іске қосылады, ал фургон немесе рефрижератор орнына ершік (седло) орнатылады.
Мұндай көлік ұзын, бірақ ауыр емес жүкті тасымалдауға арналған. Тежеуіш механизмі жоқ тіркемеге 500 келіге дейін жүк тиеуге болады. Ал тіркеменің тежеуіші болса бір жарым тонна зат таси алады.
Lada Granta-ның күштік құрылымы өзгеріссіз қалады. Ол — 5 сатылы механикамен жұмыс істейтін, 90 ат күшіне 1.6 литрлік 8 клапанды мотор. Шағын жүк көлігінің бағасы қазірше белгісіз.
Комментариев: 0