Күз келісімен Қазақстанда Lada Granta арзандады. Мысалы, Standard жиынтығындағы седанның бағасы 1 млн теңгеге төмендеді. Тамыздың ортасында ол 4.4 млн-ға сатылған, қазір 3.6 млн теңгеден саудаланып жатыр.
Басқа нұсқаларының да құны өзгерді. 4 сатылы автомат қорабы бар Comfort-ты қазір 5.4 млн емес, 4.5 млн теңгеге алуға болады, ал дәл сондай қорап орнатылған Luxe 4.8 млн тұрады.
Лифтбек те шетте қалмады. Luxe түрленімі 4.9 млн теңгеге бағаланып отыр, ал жазда мұндай «Гранта» үшін 5.8 теңге сұралған еді.
Модельдің жиынтық түрінің де азайғанын атап өткен жөн. Бұрын седанның тоғыз нұсқасы болса, енді жеті түрленімі қолжетімді.
Lada-ның басқа модельдеріне бұл науқан көп әсер етпеген секілді. XRAY-дың кейбір нұсқалары сәл арзандағанмен, топтамадағы басқа көліктер керісінше, қымбаттады. Мысалы, Vesta 5.7-ден 7.2 млн теңгеге дейінгі аралықта сатылып жатыр. Тамызда оның бағасы 5.1-7 млн теңге болатын.
Ресми түрде модель расымен арзандады, алайда дилер машинаны қосымша жабдықтарсыз салоннан шығармайды. Демек қорғаныс, желқағар, дабыл жүйесі сияқты дүниелерге ақша жұмсауға тура келеді.
Комментариев: 0