АВТОВАЗ жаңа өнімдеріне ат беруді марканы бағалайтын жандарға сеніп тапсырмақ болып, «ВКонтакте» желісіндегі ресми парақшасында конкурс ұйымдастырды. Шарттары қарапайым:
- көлік атауы Ресеймен байланысты болуы қажет;
- Lada сөзімен жақсы үйлесуі тиіс;
- бір-екі буыннан құралып, А әрпіне аяқталуы керек;
- екпіннің қай буынға түсетіні түсінікті болуы қажет;
- жеңіл әрі біртұтас оқылып, кирилл және латын әліпбиінде оңай жатталуы керек;
- құлаққа жағымды болуы тиіс.
Мұның АВТОВАЗ ұйымдастырып отырған алғашқы сайыс еместігін айта кеткен жөн. Автогигант болашақ модельдерге беретін 20 тауарлық белгіні тіркеді. Олардың ішінде Fortuna, Svoboda, Kayna, Kvest, Quanta, Intriga және Preosa бар.
Кәсіпорынның бұл жолы қай модельге ат бермек болғаны белгісіз. Десе де суреттегі машина 2016 жылы таныстырылған XCODE концептісін еске салады.
Үздік төрт ұсыныс авторларына компания бренд шыныаяқтары мен портативті аккумулятор сыйлайды. Конкурс Ресей аумағында өтеді, бірақ сіздер комментарий жазып, ұсыныс айта аласыздар.
Комментариев: 0