Lada e-Largus қашан шығады

АВТОВАЗ басшысы Максим Соколов Федерация кеңесінде Lada Largus-тың электрлі түрленімі конвейерге қашан тұратынын айтты. Оның сөзінше e-Largus өндірісі 2024 жылдың бірінші жартысында басталады.

Электромобильдің жолаушыларға арналған нұсқасы және коммерциялық фургон түрі шығады. Топ-менеджер машинаның сынақ партиясы биыл желтоқсанның ортасында жарық көретінін атап өтті.

Сериялы модельдің техникалық жағы жайлы ақпарат жоқ, бірақ алдыңғы осьтегі 110 кВт (150 ат күші) қуатқа ие жалғыз электромотормен жүретін прототиптің сипаттамасымен ұқсас болатын шығар, жүріс қоры 400 шақырымға (бір жүргізуші мен 100 келі жүк тиелген кезде) жетеді. Универсал жалпы 430 келі жүк көтере алады.

Автомобильдің батареялы түрленімімен бірге бензинді нұсқасы да қайта шығады. РИА «Новости» екеуі бір уақытта, 2024 жылдың екінші тоқсанында жарық көретінін хабарлады.