Lada Aura қашан шығатыны анықталды

АВТОВАЗ-дың сыртқы байланыс және акционерлермен қарым-қатынас бойынша вице-президенті Сергей Громак бизнес-класқа жататын Lada Aura седанының шығатын уақытын хабарлады. Сөзінше бұл оқиға 2024 жылдың қыркүйегіне жоспарланған деп жазды RCI News паблигі.

Компания Lada Aura-ны 2023 жылы маусымда көрсеткенін естеріңізге саламыз. Ол әдеттегі Vesta-дан 250 мм ұзын дөңгелек базасы, пішіні өзгеше есік, кең былғары салон, жақсарған дыбыс изоляциясы және жоғары сапалы аудиожүйесімен, 17 дюймдік дөңгелек дискілерімен және қайта бапталған аспасымен ерекшеленеді. Көлік автомат трансмиссиямен жұмыс істейтін 1.8 литрлік (122 а. к.) мотормен жүреді.

1 / 4

• 
• 
• 
• 

1 / 4

Зауыт өкілдері құны 2 млн рубльден асатын ұзын седанды мемлекеттік мекемелер мен таксопарктер алады деп отыр. Мемлекеттің қолдауынсыз модельдің болашағы күмәнді. Егер нарықта қытайлық өндірушілер ұсынған машиналардың алуан түрі барын ескерсек, «аураны» шенділер жоғарыдан бұйрық келсе ғана сатып алатыны анық.

Жүргізушілердің қызығуы да екіталай, себебі АВТОВАЗ осыған ұқсас оқиғаны 1990 жылдың соңында «Премьер» стречтерін және «Консул» лимузиндерін саудалағанда бастан өткерген еді. «Москвич» те ұзын 2141 хетчбэгімен тәжірибе жасаған. Бірақ бұл нұсқалар ел арасында танымал болған жоқ.