Спорттық шараның бағытын бұл жолы қиындатпапты. Велосипед тізгіндегендер Нұрлы тау бизнес орталығынан 9:30-да қарқын алып, Әл-Фарабидің төмен жағымен қозғалады да, Тұңғыш Президент саябағындағы мәре сызығына жетеді.
Осы тұста айта кететін жәйт, биыл тек күзде ғана Алматыда 6 рет бұқаралық веложарыс өткен екен. Бұл ретте спортшылар Әл-Фараби даңғылымен Желтоқсан мен Мұстафин аралығында да, бірден бірнеше орталық көшелерді қамтыған жаңа бағыттар бойынша да қозғалған болатын.
Ал енді, көктем келгенше жүргізушілер демін алса болады. Ең бастысы, жолдар уақытылы әрі сапалы тазартылса болғаны.
Комментариев: 0