Жол бөлігін жөндеу жұмысы 2021 жылы аяқталуы керек еді, бірақ трасса 2024 жылғы 15 тамызда ғана ашылды. «Қазавтожол» ҰК" АҚ жол I-б техникалық категориясына сай әр бағытта екіден төрт жолақты болғанын хабарлады.
«Автожолды кеңейтіп, қайта жөндеу еліміздің солтүстігінен оңтүстігіне қарай жол жүру уақытын қысқартып, Қытай, Ресей және Орта Азия елдері арасындағы транзиттік жүк тасымалын арттырады. Сондай-ақ Балқаш көліне баратын туристер санының өсуіне ықпал етеді», деп хабарлады ұлттық компания.
Бұл жақсы жаңалық!
Бірақ жақсы жаңалыққа көлеңке түсіріп тұрған мәселе бар. Жақында «Халық бақылауы» жобасының өкілдері трассаның үш жыл бұрын салынған көрші бөлігі тозып, шұрық-тесік пайда болғанын анықтады. Жол жөндеушілер бұған ыстық температура мен жүк көліктерінің көптігін кінәлап отыр. Ақауды мердігер компания кепілдік бойынша жөндейді.
Жаңа ашылған жол бөлігі ыстыққа да, көлік қозғалысына да төзімді болады деп үміттенеміз.
Комментариев: 0