Күллі әлемнің электромобиль мінгені Қазақстан үшін тиімді ме

Сенат отырысында сөз сөйлеген өнеркәсіп министрі Қанат Шарлапаев электр күшімен жүретін көлік мінудің елге қандай пайдасы барын айтты. Әр электромобильде құрамында 14-15 келі мыс орамы бар 2-3 қозғалтқыш болады. Егер жасыл экономиканы дамыту үшін барлық мемлекет электрлі машинаға ауысса, мыс өндірісін екі есе ұлғайтуға болады. Ал Қазақстан ең ірі өндіріс орындарының қатарына кіретін мыс еріту зауытын салуды жоспарлап отыр екен.

«Бұл нарықтың өсу шегі әзірше анықталмады. Егер біз катодты мыс сияқты дайын өнім шығарсақ, даму мүмкіндігіміз жоғары деп ойлаймыз», — деді ведомство басшысы.

Министр шикізат өткізетін негізгі нарық Қытай екенін атап өтті.