Тарихы терең Chrysler талай рет банкрот болуға шақ қалған. Бірақ дарынды менеджерлер (Якокка) мен шетелдік серіктестердің (Daimler-Benz, Fiat) арқасында аман қалды. Дегенмен, фирманың жағдайы қазір де жақсы емес. Өйткені топтамада тек Pacific минивэні қалған. Stellantis альянсы миллиардтаған шығынға батқанын ескерсек, марка мүлде келмеске кетуі ғажап емес.
Компанияның негізін қалаушы Уолтер П. Крайслердің ұрпағы кіші Фрэнк Б. Родс Stellantis басшысы мен Chrysler директорына бренд пен оған тиесілі Dodge, Plymouth және Mopar маркаларын өзіне сатуды сұрады. Родс конгломерат бұл маркаларға дұрыс көңіл бөлмей отыр деп санайды.
Родстың идеясы қазіргі басшылардың жоспарына ұқсайды. Mopar Insiders тілшісіне берген сұхбатында ол «инновация мен дәстүр арасынан үйлесім» тапқысы келетінін айтыпты. Мысалы, классикалық модельдердің гибрид нұсқасын шығарып, халыққа арзан түрленім ұсынуды көздеп отыр.
Фрэнк Родс сауда маркаларын, материалдық активтерді алу үшін қажет қаражатты қайдан табатыны қызық. Өйткені ол қолдан жиһаз жасаумен айналысады екен.
Комментариев: 0