Бұрын патруль қызметіне қолданылып, кейін жеке қолға өткен 2013 жылғы Ford Explorer Police Interceptor сатылымға шықты. Машинаның түсі өзгертіліп, қарапайым дөңгелектерінің орнына 20 дюймдік дөңгелек орнатылған. Шанақ қанық қызғылт түске боялған. Ақ түспен астасқан нәзік рең интерьерге сән беріп тұр. Еден мен жүк салғышқа жұмсақ кілемше төселген.
Көлік бұрынғы бірнеше ерекшелігін де сақтап қалды. Алдыңғы жағындағы ірі бампер мен жүргізуші жақтағы іздеуіш шам машинаны бұрын тәртіп сақшылары тізгіндегенін аңғартады. Рейлингсіз тегіс шатыры да полиция қызметіндегі көлікке тән ерекшелік. Оған қоса жүк салғыш есігіндегі Police interceptor белгісі анық көрініп тұр. 300 ат күшін беретін 3.7 литрлік V6 моторы да өзгеріссіз қалды.
Автокөлік Хьюстондағы Mecum аукционына қойылды. Бастапқы бағасы 15-20 мың доллар шамасында.
Комментариев: 0