Коронавирусқа қарсы экран

Ford мамандары жеңіл жүк көлігінің жүргізушілеріне арнап қауіпсіздік экранын жасады.

Мөлдір поливинилхлорид пластиктен (ПВХ) жасалған қалқа оңай орнатылады және жүргізушіні салонның артқы бөлігінен оқшаулап тұрады. Авторлардың сөзінше, бұл коронавирус және ауа арқылы тарайтын басқа да инфекциялардың жұғу қаупін азайтады.

Экрандар төрт түрлі нұсқада жасалады, әрі жүргізушінің жұмысына, сонымен қатар жол апаты болған жағдайда бүйірлік қауіпсіздік жастықтарының іске қосылуына кедергі келтірмейді. Ең алдымен олар Transit/Tourneo Connect шағын автобустарына, жыл соңына қарай Transit Courier-ге орнатылмақ. Аталған жабдықты марка дилерінен немесе онлайн дүкеннен алуға болады.

Шын мәнінде, салондағы қалқаның пайдасы күмән тудырады. Себебі ұзақ сапарда ол микробөлшектердің салонда тарауына еш тосқауыл бола алмайды.

«Газельге» де сондай экран орната ма екен?

Комментариев: 0

Чтобы оставить комментарий, вам необходимо зарегистрироваться или авторизоваться.