Оңтүстік Кореядағы SK Innovation компаниясының соңғы өнімі биыл Сеул қаласында өткен InterBattery форумында таныстырылды. Компания өкілдері электромобильге арналған екі типтегі аккумуляторды әзірлеу жұмыстары аяқталып қалғанын айтты. Алғашқысы 10 минуттан екі рет қуатталып, көліктің 800 шақырымды еркін еңсеруіне, ал екіншісі 1000 шақырым жол жүруіне мүмкіндік береді.
Мұндай нәтижеге мамандар аса тығыз никельді пайдалану арқылы жеткен. Алайда Inside EVs басылымы қосалқы бөлшек сипаттамасының шынайылығына күмән келтіріп отыр. Себебі аталған компания бәсекелестері Panasonic, LG Chem не CATL сияқты ауқымда батарея өндірмейді.
UBS Global сарапшылары бес жылдан кейін әлемдегі көлік атаулының 17 %-ы электрлі болатынын айтады. Ал 2030 жылға қарай бұл көрсеткіш 40 %-ға жетеді.
Комментариев: 0