Германиялық көлік сататын порталдардың бірінде қызықты хабарландыру жарияланды. Хабарландыру авторы 1990 жылы шыққан E30 шанағындағы BMW 320i-ды сатуға қойды. Иесі купені 36 мың еуроға (41 мың доллар) бағалап отыр. Бұл 17.6 млн теңгеге тең. Айта кетерлігі, Қазақстанда жаңа BMW 320i xDrive моделін 17.4 млн теңгеге алуға болады.
Көліктің жағдайы да өте жақсы. 1990 жылдан бері небәрі 6018 шақырым жол жүрген купе конвейерден жақында ғана шыққандай көрінеді. Машинаны иесі автосалоннан көптеген опциямен қоса сатып алыпты. Атап айтқанда, 15 дюймдік дөңгелек, бүйірлік спойлер мен фирмалық рөл және қатты аспа секілді қосымшалар бар.
Капот астына 127 ат күшіне ие 2 литрлік 6 цилиндрлі қатарлы M20 қойылған. Агрегат айналу моментін 5 сатылы механика арқылы артқы дөңгелектерге береді. 320i жүзге дейін жылдамдықты 10.2 секундта алады.
Комментариев: 0