Кеше 19:00 шамасында республикалық маңызы бар Көкпек — Кеген — Түп — Жалаңаш — Саты — Құрметті тас жолының 11-шақырымын су шая бастады. Көлік жүретін жолда екпіндеп су ағып жатқанын тұрғындар видеоға түсіріп алып, әлеуметтік желіде жариялады.
Алматы облысы ТЖД тас жолда тасқын жүруіне қатты жаңбыр жауғаны себеп болғанын хабарлады. Сол уақытта Кеген ауданына қарасты Түменбай ауылындағы Ақшоқы көшесі ағынды су астында қалған, салдарынан 11 ауланы су басты.
Қызыл судан зардап шеккендер жоқ, үйлерге де зақым келмеген", — деп мәлімдеді құтқарушылар. Олардың сөзінше қазір Көлсайға баратын жолмен машиналар әдеттегідей жүріп жатыр.
Комментариев: 0