Бұрынғы журналист Джалмари Маттила аса қымбат суперкар иелерінің қолына тиетін салпыншақтар түкке тұрғысыз, ал айрықша автокөлікке дәл сондай кілт керек деп шешкен. Бұл қателікті түзету мақсатында ол Awain деп аталатын компанияны ашып, Лееви Марккули атты дизайнер мен Йоаким Джокел деген сағат шеберінің көмегімен ең қымбат автокөліктерге лайық салпыншақтар топтамасын шығарды.
Кілттерді әрлеуге қымбат металлдар мен сирек кездесетін бағалы ағаштар қолданылады. Олардың әр данасын жасауға шамамен 300 сағат уақыт кетеді, себебі барлығы қолмен жасалады.
Ең қарапайым деген салпыншақты Quantum деп атапты. Одан 354 гауһар тасты көруге болады, ал бағасы 49 мың еуроны құрайды. Serenity деп аталатын 1 250 гауһар таспен көмкерілген салпыншақ үшін 89 мың еуро жұмсауға тура келеді. Ал ең қымбат туынды Phantom деген атты иеленген, оның бағасы 500 мың еуроға тең. Бұл тіпті судай жаңа Lamborghini Aventador SVJ Roadster көлігінен де қымбат.
Комментариев: 0