Рессейдің Ішкі істер министрлігі заңнамаға арнайы түске боялған белдік қолдануды міндеттейтін норма енгізуді ұсынды. ТАСС таратқан ақпаратқа сүйенсек, бұл талап «Дөңгелекті көлік құралдарының қауіпсіздігі туралы» техникалық регламентке қосылатын сияқты.
Жүргізушілердің көбі белдік тақпайды, сол себепті осындай шара қолдануға мәжбүрміз деп мәлімдеген ведомство өкілдері әдетте белдік киіммен түстес болатындықтан бақылау құралдарына машинадағы кісілердің оны таққан не тақпағанын анықтау қиынға соғатынын атап өтті.
«Бұл мәселені жарық қайтарғыш элементтері бар
ІІМ кеңесі тек белдікпен бітпейді. Мамандар оның ұзындығын қадағалайтын сезгектер орнату, дыбыстық сигнал беру және жолаушыларға белдік бекітілмегенін ескерту сияқты функцияларды да құжатқа жаза кету керек деп санайды.
Көлік иелері техника ішіндегі сезгектерді алдап, дыбыстық сигналды өшіру үшін пайдаланатын арнайы құрал да назардан тыс қалмады. Жоба авторлары оның саудасын заңсыз деп тануға ниетті.
Ұсыныстар қабылданып, «Дөңгелекті көлік құралдарының қауіпсіздігі туралы» техникалық регламентке жазылса, түрлі түсті белдік біздің елде де міндетті болады, өйткені құжат бүкіл ЕАЭО аумағын қамтиды.
Комментариев: 0