Ұсынылған өзгертулерге сай, құрылымына өзгеріс енгізілген көлік құралының талаптарға сәйкестігін тексеру М1 және N1 (жеңіл көліктер мен шағын жүк көліктері) категориясындағы машиналарға мынадай элементтер орнатылғанда жүзеге асады:
- табалдырық,
- спойлер,
- сплиттер,
- бәсеңдеткіш саптамасы (насадка на глушитель),
- радиатор торы,
- басқа да декоративті элементтер,
- жүксалғыш пен рейлингтер,
- антенна,
- көлік төбесіндегі люк,
- ауа тартқыштар,
- сатылар,
- кеңейтілген дөңгелек аркасы,
- шанақ қорғанысы,
- дефлекторлар,
- диаметрі үлкен дөңгелектер.
Мұндай дүниелермен қайта жабдықтау үшін алдын ала рұқсат алудың қажеті жоқ. Оларды орнатқан соң тексерістен өтіп, көліктің қауіпсіздік талаптарына сәйкестігін растайтын куәлік алып, техникалық құжатқа тиісті белгі қою керек.
Табалдырық, жүксалғыш, спойлер сынды бөліктердің автокөлік габариті мен жол қозғалысына қатысушылардың қауіпсіздігіне сәйкестігі тексеріледі.
Көлемі сай келмейтін дөңгелектер мен шиналар орнатқан жағдайда, өзгертулердің спидометр көрсеткішіне қалай әсер ететінін тексеру қажет. Соған сай, аталған аспап реттеледі не спидометр ауыстырылады.
Комментариев: 0