2020 жылы жазда полицейлер Алматы облысына қарасты Қарасай ауданының Әйтей ауылынан қымбат көлік ұрлайтындардың «апанын» анықтады. Ұйымдасқан топ Toyota Land Cruiser 200-ді нысанаға алған екен.
Қылмыскерлер жер үйде тұрған. Үйдің жанынан арнайы жерасты гаражын салып, машиналарды сонда жасырыпты. Жасырын орынды Polisia.kz порталы жариялаған видеодан көруге болады.
Айта кетейік, қылмыстық топтың «серкесі» сол кезде қолға түспей қашып кеткен. Түркістан облысының 33 жастағы тұрғыны жақында ғана ұсталды. Алматы қалалық Полиция департаменті бастығының орынбасары Берік Әбілбековтің айтуынша, оған жеті ұрлық бойынша айып тағылып отыр. Сондай-ақ күдікті бұған дейін тонау, ұрлық және қару қолданып бұзақылық жасағаны үшін төрт рет сотталған.
Комментариев: 0